Fréttasafn

20.11.2019

Hagstjórn í hundrað ár

Seðlabanki Íslands og Hagfræðistofnun Háskóla Íslands bjóða til málþings á morgun í tilefni af því að hundrað ár eru frá fæðingu Jónasar Haralz, fyrrverandi bankastjóra og efnahagsráðgjafa. Tvö erindi verða flutt. Jón Sigurðsson, fyrrverandi seðlabankastjóri og fyrrverandi ráðherra, flytur erindið: Jónas Haralz – Brautryðjandi nútíma hagstjórnar. Ásgeir Jónsson seðlabankastjóri flytur erindið: Hundrað ára hagstjórn - hvað höfum við lært og hvernig munum við standa okkur betur? Málþingið verður í stofu 101 í Odda og hefst klukkan 16:00.

Nánar

19.11.2019

Erindi seðlabankastjóra um hagstjórn og fátækt

Ásgeir Jónsson seðlabankastjóri hélt í hádeginu erindi í Háskóla Íslands um hagstjórn og fátækt í tilefni af fyrsta heimsmarkmiði Sameinuðu þjóðanna um að útrýma fátækt. Í erindi sínu lagði Ásgeir meðal annars áherslu á stuðla þyrfti að stöðugleika í efnahagsþróun, m.a. í verðlagsþróun, þar sem þeir verst settu kæmu oftast verst út þegar óvænt áföll dyndu yfir. Þannig væri m.a. stöðugur hagvöxtur og stöðugt verðlag jákvætt innlegg í baráttu gegn fátækt.

Nánar

13.11.2019

Kynning aðalhagfræðings á efni Peningamála

Þórarinn G. Pétursson, aðalhagfræðingur Seðlabanka Íslands, framkvæmdastjóri hagfræði og peningastefnu og meðlimur í peningastefnunefnd, hefur kynnt efni nýlegra Peningamála á fundum með starfsfólki fjármálafyrirtækja síðustu daga, þ.e. Kviku, Arion banka og Íslandsbanka. Í kynningunni fór hann meðal annars yfir áhrif viðskiptadeilu Bandaríkjanna og Kína, þróun hagvaxtar, vaxtaþróun, útlán, atvinnu, og þróun og horfur um verðbólgu.

Nánar

11.11.2019

Heimsókn Alþjóðagjaldeyrissjóðsins 30. október - 11. nóvember 2019

Sendinefnd Alþjóðagjaldeyrissjóðsins hefur sent frá sér meðfylgjandi álit eftir tæplega tveggja vikna heimsókn til Íslands. Sendinefndin átti fundi með fulltrúum stjórnvalda, Seðlabanka Íslands, Fjármálaeftirlitsins, aðilum á vinnumarkaði og fulltrúum atvinnulífsins og fjármálastofnana. Heimsóknin er hluti af árlegri úttekt Alþjóðagjaldeyrissjóðsins á stöðu og horfum í íslensku efnahagslífi (e. Article IV Consultation).

Nánar

07.11.2019

Seðlabankastjóri fjallar um ótroðnar lágvaxtaslóðir á peningamálafundi Viðskiptaráðs

Ásgeir Jónsson seðlabankastjóri ávarpaði peningamálafund Viðskiptaráðs Íslands í morgun og fjallaði um ótroðnar lágvaxtaslóðir, þróun hagkerfisins á undanförnum árum og horfur í efnahagsmálum. Þá fjallaði hann um ákveðnar kerfisbreytingar sem átt hafa sér stað að undanförnu.

Nánar

06.11.2019