Virkur eignarhlutur í Fossum fjárfestingarbanka hf., Glym hf. og T Plús hf.
Hinn 15. september 2023 komst fjármálaeftirlit Seðlabanka Íslands að þeirri niðurstöðu að Vátryggingafélag Íslands hf. væri hæft til að fara með svo stóran eignarhlut í Fossum fjárfestingarbanka hf. að félagið verði talið dótturfélag þess og jafnstóran óbeinan, virkan eignarhlut í Glym hf., sbr. VI. kafla laga nr. 161/2002 um fjármálafyrirtæki og 3. mgr. 16. gr. laga nr. 45/2020 um rekstraraðila sérhæfðra sjóða. Jafnframt komst fjármálaeftirlitið að þeirri niðurstöðu að Vátryggingafélag Íslands hf. væri hæft til að fara með aukinn virkan eignarhlut í T Plús hf., þ.e. allt að 50% eignarhlut, sbr. 12. – 14. gr. laga nr. 115/2021 um markaði fyrir fjármálagerninga.
