logo-for-printing

Gjaldeyrismál

Gjaldeyrisviðskipti hafa verið háð takmörkunum frá hruni bankakerfisins haustið 2008. Áður en gjaldeyrishöft tóku gildi hafði Seðlabankinn birt tilmæli til bankanna um að takmarka sölu gjaldeyris við brýn vöru‐ og þjónustuviðskipti. Hinn 28. nóvember 2008 voru settar reglur um gjaldeyrismál, sem heimilaðar voru samkvæmt ákvæði til bráðabirgða í lögum um gjaldeyrismál. Með setningu reglnanna var öllum höftum á gjaldeyrisviðskiptum vegna vöru og þjónustuviðskipta aflétt, en teknar upp strangari takmarkanir á fjármagnshreyfingar á milli landa og gjaldeyrisviðskipti sem þeim tengjast. Hinn 21. október 2016 var með lagabreytingu stigið veigamikið skref til losunar á takmörkunum á fjármagnsviðskipti. Með lagabreytingunni kom frekari losun til framkvæmda 1. janúar 2017. Með reglubreytingu hinn 14. mars 2017 voru fjármagnshöft nánast að öllu leyti afnumin.

 

Lög, reglur og leiðbeiningar

Reglur um gjaldeyrismál hafa verið endurskoðaðar nokkrum sinnum. Breytingar hafa einkum miðað að því að loka glufum í upphaflegum reglum. Með lögum nr. 127/2011, um breytingu á lögum um gjaldeyrismál, tollalögum og lögum um Seðlabanka Íslands, hafa áður útgefnar reglur Seðlabankans um gjaldeyrismál verið lögfestar.

Sýna allt


Hafa samband

Frekari upplýsingar um gjaldeyrismál má fá með því að senda fyrirspurn á netfangið gjaldeyrismal@sedlabanki.is eða hringja í síma 569-9600. Vinsamlegast athugið að hér er einungis átt við um fyrirspurnir um gjaldeyrismál en beiðnir um undanþágu frá lögum nr. 87/1992, um gjaldeyrismál, verða að berast Seðlabanka Íslands bréflega ásamt gögnum er málið varða, sbr. 5. málsl. 1. mgr. 13. gr. o. laga nr. 87/1992, um gjaldeyrismál.

Tilkynningar og beiðnir um staðfestingu samkvæmt lögum nr. 87/1992, um gjaldeyrismál og reglum nr. 200/2017, um gjaldeyrismál, og fyrirspurnir þess efnis, skulu sendar á netfangið ge.gagnaskil@sedlabanki.is.

Beiðnir um úttektir af reikningum háðum sérstökum takmörkunum samkvæmt lögum nr. 37/2016 ásamt fyrirspurnum um aflandskrónur skulu sendar á netfangið offshore@sedlabanki.is