Niðurstöður könnunarinnar gefa til kynna að markaðsaðilar vænti meiri verðbólgu næsta árið en í síðustu könnun í janúar, en gera þó ráð fyrir að verðbólga hjaðni tiltölulega hratt í byrjun næsta árs. Þá búast markaðsaðilar við því að gengi krónunnar gagnvart evru verði svipað eftir eitt ár og það var þegar könnunin var framkvæmd.

Seðlabanki Íslands hefur ákveðið að hefja á ný reglubundin gjaldeyriskaup á millibankamarkaði. Nánar tiltekið hyggst bankinn kaupa 6 milljónir evra í viku hverri.

Vorfundur lánamála var haldinn 6. maí sl. í Seðlabanka Íslands. Ásgeir Jónsson seðlabankastjóri og Daði Már Kristófersson fjármála- og efnahagsráðherra ávörpuðu fundinn í upphafi. Því næst kynnti Haukur C. Benediktsson, forstöðumaður lánamála ríkisins, ársskýrslu um lánamál ríkissjóðs fyrir árið 2025.

Fjármálaeftirlit Seðlabanka íslands hóf athugun hjá Lífeyrissjóði verzlunarmanna, í kjölfar bréfs lífeyrissjóðsins, dags. 5. mars 2025, þar sem fram kom að eign hans í þremur félögum væri umfram lögbundin mörk samkvæmt lögum um skyldutryggingu lífeyrisréttinda og starfsemi lífeyrissjóða.

Seðlabanki Íslands vekur athygli á þróun í gervigreind sem dregið getur úr netöryggi. Þessi þróun breytir eðli netógna og kallar á aukna árvekni hjá fjármálafyrirtækjum og öðrum lykilaðilum í fjármálakerfinu.