Grunnur dráttarvaxta er breyttur frá síðustu vaxtatilkynningu Seðlabanka Íslands nr. 04/2026 dagsettri 20. apríl sl. þar sem að meginvextir bankans hafa hækkað um 0,25 prósentur síðan þá. Dráttarvextir breytast sem því nemur og verða 15,50% fyrir tímabilið 1. – 30. júní 2026.

Skýrsla fjármálastöðugleikanefndar fyrir árið 2025 verður kynnt og er til umræðu í efnahags- og viðskiptanefnd Alþingis á morgun, fimmtudaginn 21. maí 2026, klukkan 9:00. Ásgeir Jónsson seðlabankastjóri og Tómas Brynjólfsson, varaseðlabankastjóri fjármálastöðugleika verða gestir á fundinum.

Ritið Peningamál gerir ársfjórðungslega grein fyrir horfum í peningamálum og þar er birt spá um verðbólgu sem gegnir mikilvægu hlutverki við mótun peningastefnunnar.

Peningastefnunefnd Seðlabanka Íslands hefur ákveðið að hækka vexti bankans um 0,25 prósentur. Meginvextir bankans, vextir á sjö daga bundnum innlánum, verða því 7,75%. Allir nefndarmenn studdu þessa ákvörðun.

Yfirlýsing peningastefnunefndar verður birt á vef Seðlabanka Íslands í dag, miðvikudaginn 20. maí 2026, kl. 8:30. Peningamál verða birt kl. 8:35 og vefútsending hefst svo klukkan 9:30 þar sem gerð verður grein fyrir yfirlýsingu nefndarinnar og efni Peningamála á fréttamannafundi með fulltrúum fjölmiðla og fjármálafyrirtækja.

Niðurstöður könnunarinnar gefa til kynna að markaðsaðilar vænti meiri verðbólgu næsta árið en í síðustu könnun í janúar, en gera þó ráð fyrir að verðbólga hjaðni tiltölulega hratt í byrjun næsta árs. Þá búast markaðsaðilar við því að gengi krónunnar gagnvart evru verði svipað eftir eitt ár og það var þegar könnunin var framkvæmd.