logo-for-printing

09.03.2018

Ný rannsóknarritgerð um verðbólgu og trúverðugleika peningastefnu

Working Paper 77

Seðlabanki Íslands hefur gefið út rannsóknarritgerð um verðbólguþróun undanfarinna ára og samspil hennar við traustari kjölfestu langtímaverðbólguvæntinga í verðbólgumarkmiði Seðlabankans. Ritgerðin er á ensku og er gefin út í ritgerðarröðinni Rannsóknarritgerðir (Working Papers).

Í ritgerðinni er fjallað um mikilvægi bættrar kjölfestu langtímaverðbólguvæntinga við að skýra af hverju verðbólga hafi verið lítil og stöðug undanfarin ár þrátt fyrir kröftugan efnahagsbata. Mat á framsýnni Philips-kúrfu bendir til þess að kerfisbreyting hafi orðið á sambandi verðbólgu og lykil áhrifaþátta hennar árið 2012 og ólínulegar matsaðferðir gefa til kynna að kerfisbreytingin tengist hraðari lækkun langtímaverðbólguvæntinga en mælist með gögnum um verðbólguvæntingar á fjármálamarkaði. Lækkun verðbólguvæntinga er, ásamt mikilli lækkun innflutningsverðs, meginskýring hjöðnunar verðbólgu frá árinu 2012. Fyrrgreind kerfisbreyting er einnig mikilvæg skýring á því að spár hafa almennt ofspáð verðbólgu undanfarin ár. Þá eru lækkandi langtímaverðbólguvæntingar einnig mikilvæg ástæða þess að ekki þurfti efnahagssamdrátt til að framkalla þessa verðbólguhjöðnun eins og jafnan gerist.

Sjá ritið hér: Disinflation and improved anchoring of long-term inflation expectations: The Icelandic experience eftir Þórarin G. Pétursson. 

Til baka