Tilkynning vegna kaupa Seðlabanka Íslands á skuldabréfum ríkissjóðs
Seðlabanki Íslands hóf í byrjun maí 2020 kaup á skuldabréfum ríkissjóðs á eftirmarkaði í samræmi við yfirlýsingu peningastefnunefndar bankans frá 23. mars 2020.
Nánar
Regluleg gjaldeyrissala Seðlabanka Íslands
Frá og með mánudeginum 4. janúar nk. og til mánaðarloka mun Seðlabanki Íslands selja viðskiptavökum á gjaldeyrismarkaði 3 m. evra hvern viðskiptadag, samtals 60 m. evra. Viðskiptin munu fara fram fljótlega eftir opnun markaðarins og eigi síðar en kl. 10 árdegis. Viðskiptin eru í samræmi við yfirlýsingu nr. 30/2020 sem birtist 9. september 2020.
Nánar
Endurskoðun á gjaldmiðlavogum
Gjaldmiðlavogum sem liggja til grundvallar útreikningum á vísitölum meðalgengis hefur verið breytt í ljósi utanríkisviðskipta ársins 2019. Endurskoðun fór síðast fram í upphafi árs 2020. Á sérstöku vefsvæði hér á vef Seðlabanka Íslands má sjá nýju vogirnar og breytingar frá fyrri vogum. Nýju vogirnar gilda frá og með 1. janúar 2021 til næstu endurskoðunar að ári. Gjaldmiðlavogirnar eru endurskoðaðar árlega í ljósi samsetningar utanríkisviðskipta árið áður. Markmiðið er að þær endurspegli eins vel og kostur er samsetningu vöru- og þjónustuviðskipta þjóðarinnar. Val á gjaldmiðlum í vogir byggist á þriggja ára meðalhlutdeild ríkja í vöru- og þjónustuviðskiptum landsins.
Nánar
Seðlabankinn lengir aðlögunartíma lágmarks lausafjárhlutfalls í íslenskum krónum um eitt ár
Í dag voru birtar í Stjórnartíðindum reglur nr. 1399/2020, um breytingu á reglum nr. 266/2017, um lausafjárhlutfall lánastofnana, með síðari breytingum. Með breytingunni er sá tími sem lánastofnanir hafa til að laga sig að kröfu um lágmarks lausafjárhlutfall í íslenskum krónum framlengdur um eitt ár.
Nánar
Seðlabankinn hættir að senda prentuð rit til áskrifenda
Seðlabanki Íslands hefur á undanförnum árum dregið úr prentun á ritum og útgefnu efni á vegum bankans samfara tækniframförum og aukinni áherslu á umhverfismál innan bankans. Nú hefur verið tekin ákvörðun um að hætta alveg að senda prentuð rit til áskrifenda í byrjun næsta árs, 2021.
Nánar