Founder Ventures Management ehf. skráð sem rekstraraðili sérhæfðra sjóða
Fjármálaeftirlit Seðlabanka Íslands skráði Founder Ventures Management ehf. sem rekstraraðila sérhæfðra sjóða hinn 28. nóvember 2023, sbr. 7. gr. laga nr. 45/2020 um rekstraraðila sérhæfðra sjóða. Í skráningunni felst heimild rekstraraðila til að reka sérhæfða sjóði að því gefnu að verðmæti heildareigna í rekstri aðila fari ekki umfram þau mörk sem kveðið er á um í 1. mgr. 6. gr. laga nr. 45/2020.
Nánar
Afgangur á viðskiptajöfnuði 61,8 ma.kr. á þriðja fjórðungi 2023 – hrein staða við útlönd jákvæð um 31,2% af VLF
Á þriðja ársfjórðungi 2023 var 61,8 ma.kr. afgangur á viðskiptajöfnuði við útlönd. Það er 60,8 ma.kr. betri niðurstaða en ársfjórðunginn á undan og 39,7 ma.kr. betri en á sama fjórðungi árið 2022. Í lok ársfjórðungsins var hrein staða við útlönd jákvæð um 1.272 ma.kr. eða 31,2% af vergri landsframleiðslu (VLF) og batnaði um 145 ma.kr. eða 3,6% af VLF. Þetta kemur fram í nýbirtum upplýsingum á vef Seðlabanka Íslands.
Nánar.jpg?proc=ForsidaFrett)
Kynning aðalhagfræðings Seðlabankans á efni nóvemberheftis Peningamála
Þórarinn G. Pétursson, aðalhagfræðingur og framkvæmdastjóri sviðs hagfræði og peningastefnu í Seðlabanka Íslands, kynnti nýlega efni nýútgefinna Peningamála á fundum í fimm fjármálafyrirtækjum, þ.e. Landsbankanum, Arion banka, Kviku banka, Íslandsbanka og Arctica. Í kynningunum greindi Þórarinn frá ýmsum atriðum er tengjast efnahagsumsvifum og verðbólgu hér á landi.
Nánar
A/F Rekstraraðili hf. fær starfsleyfi sem rekstraraðili sérhæfðra sjóða
Hinn 20. nóvember 2023 veitti fjármálaeftirlit Seðlabanka Íslands A/F Rekstraraðila hf. starfsleyfi sem rekstraraðili sérhæfðra sjóða samkvæmt lögum nr. 45/2020, um rekstraraðila sérhæfðra sjóða. Í leyfinu felst að félaginu er heimilt að reka sérhæfða sjóði í samræmi við 1. og 2. mgr. 9. gr. laga um rekstraraðila sérhæfðra sjóða.
Nánar
Erindi aðalhagfræðings um peningastefnu frá greiningu að ákvörðun
Þórarinn G. Pétursson, aðalhagfræðingur Seðlabanka Íslands og framkvæmdastjóri sviðs hagfræði og peningastefnu í bankanum, flutti fyrir helgi erindi fyrir MBA-nemendur í Háskóla Íslands. Titill erindisins er „Peningastefnan: frá greiningu að ákvörðun. Undirbúningurinn, spágerðin og áhersluatriði“.
Nánar