Í gær fór fram fimmtánda úthlutun menningarstyrks sem tengdur er nafni Jóhannesar Nordals fyrrum seðlabankastjóra. Menningarstyrknum er fyrst og fremst ætlað að styðja viðleitni einstaklinga og hópa sem miðar að því að varðveita menningarverðmæti lands og þjóðar sem núverandi kynslóð hefur fengið í arf.

Fjármálaeftirlit Seðlabanka Íslands óskaði nýverið eftir upplýsingum frá eftirlitsskyldum aðilum sem hafa starfsheimildir til að veita fjárfestingarþjónustu um hvort þeir nýti sér þjónustu fjárhrifavalda (e. finfluencer) við markaðssetningu og/eða miðlun upplýsinga til almennings.

Mánudaginn 8. júní 2026 kl. 13:00–14:30 í Sölvhóli, fundarsal Seðlabanka Íslands, Kalkofnsvegi 1 í Reykjavík. Dominik Menno, hagfræðingur hjá Deutsche Bundesbank flytur erindi byggt á grein hans og Jan Hannes Lang (Evrópski seðlabankinn) „A structural model of capital buffer usability"  (ECB Working Paper Series, nr. 3188).

Á fyrsta ársfjórðungi 2026 var 32,1 ma.kr. halli á viðskiptajöfnuði við útlönd eða 2,5% af landsframleiðslu. Vöruskiptajöfnuður mældist neikvæður um 23,4 ma.kr. en 29,3 ma.kr. afgangur var á þjónustujöfnuði. Halli af frumþáttatekjum nam 20,6 ma.kr. og 17,3 ma.kr. af rekstrarframlögum. Hrein erlend staða þjóðarbúsins versnaði um 2,1% af landsframleiðslu milli fjórðunga og mælist jákvæð um 42,9% af landsframleiðslu í lok ársfjórðungsins.

Í samræmi við starfsreglur peningastefnunefndar Seðlabanka Íslands er hér birt fundargerð nefndarinnar, en fundargerðina skal birta tveimur vikum eftir að ákvörðun nefndarinnar er kynnt.

Til að auka sveigjanleika í innlendri greiðslumiðlun og draga úr líkum á að truflanir á netsambandi hindri viðskipti verður almenningi senn gert kleift að greiða með greiðslukortum hér á landi, þ.e. debet- og kreditkortum, þótt nettenging rofni.

Ritið Álagspróf 2026 hefur verið birt á vef Seðlabanka Íslands. Í ritinu eru niðurstöður álagsprófs á kerfislega mikilvæga banka kynntar og fjallað um áhrif af breyttu regluverki við mat á áhættu útlána banka. Einnig er fjallað um sjónarmið og mælikvarða sem litið er til við kvörðun sviðsmynda fyrir kerfisleg álagspróf Seðlabanka Íslands.

Seðlabanki Íslands hefur gefið út sérrit um viðbúnað fjármálakerfisins við alvarlegum rekstrartruflunum. Ritið er liður í að skilgreina frekar þau atriði sem huga þarf að við viðbúnað kerfisins til að halda uppi þeirri grunnþjónustu sem samfélagið reiðir sig á, svo sem greiðslumiðlun, uppgjör viðskipta, aðgengi heimila og fyrirtækja að fjármunum og geta þeirra til móttöku og greiðslu fjármuna.

Fjármálakerfið hér á landi er traust og vel í stakk búið til að mæta ófyrirséðum áföllum. Fjárhagsstaða kerfislega mikilvægra banka er sterk og aðgengi þeirra að markaðsfjármögnun greitt. Viðvarandi óvissa í alþjóðlegum efnahagsmálum, versnandi verðbólguhorfur og háir vextir gætu reynt á viðnámsþrótt fjármálakerfisins á komandi misserum. Skuldahlutföll heimila og fyrirtækja eru almennt lág og vanskil lítil. Álagspróf Seðlabanka Íslands bendir til þess að stóru bankarnir þrír geti staðið af sér verulegt áfall án þess að skerða um of framboð lánsfjár til viðskiptavina.

Yfirlýsing fjármálastöðugleikanefndar Seðlabanka Íslands var birt kl. 8:30 í dag, 3. júní 2026. Ritin Álagspróf og Viðbúnaður fjármálakerfisins við alvarlegum rekstrartruflunum verður birt á vef bankans klukkan 8:35.