Málstofa um verðbólgu og trúverðugleika peningastefnu
Hjöðnun verðbólgu og aukinn trúverðugleiki peningastefnunnar
Málstofa um þetta efni verður haldin í Sölvhóli, fundarherbergi í Seðlabankanum, þriðjudaginn 6. mars kl. 15:00.
Frummælandi: Þórarinn G. Pétursson, Seðlabanka Íslands
Ágrip: Í fyrirlestrinum er fjallað um mikilvægi bættrar kjölfestu langtímaverðbólguvæntinga við að skýra af hverju verðbólga hafi verið lítil og stöðug undanfarin ár þrátt fyrir kröftugan efnahagsbata. Mat á framsýnni Phillips-kúrfu bendir til þess að kerfisbreyting hafi orðið á sambandi verðbólgu og lykil áhrifaþátta hennar árið 2012 og ólínulegar matsaðferðir gefa til kynna að kerfisbreytingin tengist hraðari lækkun langtímaverðbólguvæntinga en mælist með gögnum um verðbólguvæntingar á fjármálamarkaði. Lækkun verðbólguvæntinga er, ásamt mikilli lækkun innflutningsverðs, meginskýring hjöðnunar verðbólgu frá árinu 2012. Fyrrgreind kerfisbreyting er einnig mikilvæg skýring á því að spár hafa almennt ofspáð verðbólgu undanfarin ár. Þá eru lækkandi langtímaverðbólguvæntingar einnig mikilvæg ástæða þess að ekki þurfti efnahagssamdrátt til að framkalla þessa verðbólguhjöðnun eins og jafnan gerist.