logo-for-printing

13. apríl 2015

Vefútsending frá fundi peningastefnunefndar með efnahags- og viðskiptanefnd Alþingis

Már Guðmundsson seðlabankastjóri

Þetta var tíundi fundur peningastefnunefndar Seðlabanka Íslands með þingnefndum Alþingis. Sjá hér yfirlit yfir fundina

Útsendingin er aðgengileg hér: www.althingi.is

Lög um Seðlabanka Íslands kveða svo á að peningastefnunefnd Seðlabanka Íslands skuli gefa Alþingi skýrslu um störf sín tvisvar á ári og að ræða skuli efni skýrslunnar í þeirri þingnefnd sem þingforseti ákveður. Í upphafi fundaði peningastefnunefnd með þremur nefndum; efnahags- og skattanefnd, viðskiptanefnd og fjárlaganefnd. Eftir breytingar á lögum um þingsköp Alþingis hefur efnahags- og viðskiptanefnd verið falið að fjalla um skýrslu peningastefnunefndar.

Már Guðmundsson seðlabankastjóri og formaður peningastefnunefndar, Arnór Sighvatsson, aðstoðarseðlabankastjóri og peningastefnunefndarmaður, Gylfi Zoëga prófessor í hagfræði og peningastefnunefndarmaður og Rannveig Sigurðardóttir ritari peningastefnunefndar mættu á fundinn.

Inngangsorð seðlabankastjóra frá fundinum er að finna hér: Inngangsorð seðlabankastjóra 13. apríl 2015.pdf

Meðfylgjandi mynd var tekin í vinnufundarferð peningastefnunefndar um Suðurnes síðastliðið haust er hún kynnti sér meðal annars atvinnulíf og opinbera starfsemi á svæðinu.

 

Til baka