logo-for-printing

Greiðslujöfnuður við útlönd

01. desember

3. ársfjórðungur 2023

Á þriðja ársfjórðungi 2023 var 61,8 ma.kr. afgangur á viðskiptajöfnuði við útlönd. Það er 60,8 ma.kr. betri niðurstaða en ársfjórðunginn á undan og 39,7 ma.kr. betri en á sama fjórðungi árið 2022. Halli á vöruskiptajöfnuði var 94,2 ma.kr. en 150,3 ma.kr. afgangur á þjónustujöfnuði. Frumþáttatekjur skiluðu 18,8 ma.kr. afgangi en rekstrarframlög 13,1 ma.kr. halla.
Betri niðurstaða viðskiptajafnaðar miðað við sama ársfjórðung árið 2022 skýrist meðal annars af hagstæðari niðurstöðu frumþáttatekna sem nemur 34,2 ma.kr. Að mestu leyti er það vegna lakari afkomu fyrirtækja í erlendri eigu sem flokkast undir beina fjárfestingu. Einnig var aukinn afgangur af þjónustuviðskiptum sem nemur 32,4. Á móti vegur að halli af vöruviðskiptum jókst um 24,6 og af rekstrarframlögum um 2,2 ma.kr.



Næsta birting: 05. mars 2024


Umsjón

Gagnamál | adstod@sedlabanki.is