Heildarvelta innlendra greiðslukorta var 116,7 ma.kr. í ágúst sl. og skiptist þannig að velta debetkorta var 51,4 ma.kr en velta kreditkorta var 65,3 ma.kr.

Velta innlendra greiðslukorta í verslunum innanlands í ágúst sl. nam 91,6 ma.kr. sem er aukning um 5,4 ma.kr. miðað við ágúst á síðasta ári. Skiptist veltan þannig að velta debetkorta var 41,1 ma.kr en velta kreditkorta var 50,6 ma.kr.
Velta innlendra greiðslukorta í verslunum erlendis nam 22,3 ma.kr. í ágúst sl. sem er aukning um 0,3 ma.kr miðað við ágúst árið 2022.

Heildarvelta erlendra greiðslukorta á Íslandi í ágúst 2023 var 42,8 ma.kr. sem jafngildir 4,2 ma.kr. hærri veltu miðað við sama mánuð árið 2022.

Vakin er athygli á því að uppfærðar hafa verið tölur fyrir júlí sl.

Tölur eru byggðar á upplýsingum frá íslenskum færsluhirðum og kortaútgefendum.
Vinsamlegast athugið að frá og með septembermánuði 2020 er innlend debetkortavelta í bönkum og hraðbönkum undanskilin í kortaveltutölum. Sama gildir um greiðslur kreditkorta m.v. innheimtutímabil.

Næsta birting: 16. október 2023