logo-for-printing

Endurskoðun á gjaldmiðlavogum

Gjaldmiðlavogum sem liggja til grundvallar útreikningum á vísitölum meðalgengis hefur verið breytt í ljósi utanríkisviðskipta ársins 2017. Endurskoðun fór síðast fram í upphafi árs 2018. Meðfylgjandi töflur sýna nýju vogirnar og breytingar frá fyrri vogum. Nýju vogirnar gilda frá og með 1. janúar 2019 til næstu endurskoðunar að ári.

Gjaldmiðlavogirnar eru endurskoðaðar árlega í ljósi samsetningar utanríkisviðskipta árið áður. Markmiðið er að þær endurspegli eins vel og kostur er samsetningu vöru- og þjónustuviðskipta þjóðarinnar. Val á gjaldmiðlum í vogir byggist á 3 ára meðalhlutdeild ríkja í vöru- og þjónustuviðskiptum landsins. Helstu breytingar frá fyrri vogum eru eftirfarandi:

Þröng vöruskiptavog (A), þröng þjónustuvog (C) og þröng viðskiptavog (E):
• Ástralskur dalur bætist við
• Rússnesk rúbla fellur út

Víð vöruskiptavog (B), víð þjónustuvog (D) og víð viðskiptavog (F):
• Suðurkóreskt vonn bætist við
• Nígerísk næra fellur út

Í vöruviðskiptavogum dregur töluvert úr vægi Bandaríkjadals milli ára auk þess sem vægi breska pundsins minnkar nokkuð. Á móti eykst vægi brasilíska ríalsins og sádi-arabíska ríalsins. Helstu breytingar á þjónustuvog eru aukið vægi evrunnar en mest dregur úr vægi svissneska frankans og Bandaríkjadals auk þess sem vægi norsku krónunnar og sádi-arabíska ríalsins minnkar nokkuð. Viðskiptavogirnar endurspegla þessar breytingar að mestu leyti. Mest dregur úr vægi Bandaríkjadals milli ára auk þess sem vægi svissneska frankans minnkar töluvert, en vægi brasilíska ríalsins, evrunnar og sádi-arabíska ríalsins eykst.
 

Töflur er sýna nýju vogirnar og breytingar frá fyrri vogum:

Vogir 2018

 Vogir 2018

 

Eldri tilkynningar:

Sýna allt

  • Frá 2017

  • Frá 2016

  • Frá 2015

  • Frá 2014

  • Frá 2013

  • Frá 2012

  • Frá 2011

  • Frá 2010

  • Frá 2009

  • Frá 2008

  • Frá 2007

  • Frá 2006

Nánari upplýsingar veitir Hagfræði og pengingastefna í síma 569-9600.