Fjármálaeftirlit Seðlabanka Íslands hefur lokið máli sem varðaði brot einstaklings gegn c-lið 14. gr. reglugerðar Evrópuþingsins og ráðsins (ESB) nr. 596/2014 um markaðssvik (MAR), sbr. 10. gr. reglugerðarinnar, sem hefur lagagildi hér á landi samkvæmt lögum nr. 60/2021 um aðgerðir gegn markaðssvikum. Samkvæmt reglugerðinni er óheimilt að miðla innherjaupplýsingum til annarra nema slíkt fari fram í eðlilegu sambandi við starf, stöðu eða skyldur þess sem býr yfir upplýsingunum.

Grunnur dráttarvaxta hefur breyst frá síðustu vaxtatilkynningu Seðlabanka Íslands nr. 07/2026 dagsettri 16. júlí sl. þar sem að meginvextir bankans hafa hækkað síðan þá. Dráttarvextir hækka því að sama skapi og verða 15,75% fyrir tímabilið 1. – 30. september 2026.

Ritið Peningamál gerir ársfjórðungslega grein fyrir horfum í peningamálum og þar er birt spá um verðbólgu sem gegnir mikilvægu hlutverki við mótun peningastefnunnar.

Peningastefnunefnd Seðlabanka Íslands hefur ákveðið að hækka vexti bankans um 0,25 prósentur. Meginvextir bankans, vextir á sjö daga bundnum innlánum, verða því 8,00%. Fjórir nefndarmenn studdu þessa ákvörðun en einn vildi halda vöxtum óbreyttum.

Yfirlýsing peningastefnunefndar verður birt á vef Seðlabanka Íslands, miðvikudaginn 19. ágúst 2026, kl. 8:30. Peningamál verða birt kl. 8:35 og vefútsending hefst svo klukkan 9:30 þar sem gerð verður grein fyrir yfirlýsingu nefndarinnar og efni Peningamála á fréttamannafundi með fulltrúum fjölmiðla og fjármálafyrirtækja.

Framkvæmdastjórn Evrópusambandsins (ESB) kynnti nýverið aðgerðir sem miða að samþættara, skilvirkara og samkeppnishæfara bankakerfi. Hagaðilar geta komið sjónarmiðum sínum á framfæri við framkvæmdastjórnina til 17. næsta mánaðar.

Evrópsku eftirlitsstofnanirnar EBA, EIOPA og ESMA (ESA-stofnanirnar) hafa birt sameiginlega yfirlýsingu um net- og upplýsingatækniáhættu sem stafað getur af háþróuðum gervigreindarlíkönum (e. frontier AI models).

Seðlabanki Íslands kannaði væntingar markaðsaðila dagana 10. til 12. ágúst sl. Niðurstöður könnunarinnar gefa til kynna að markaðsaðilar vænti meiri verðbólgu á þessu ári en í síðustu könnun í maí. Þeir gera þó ráð fyrir að verðbólga hjaðni tiltölulega hratt á næsta ári og miðað við miðgildi svara eru væntingar þeirra til verðbólgu eftir eitt ár óbreyttar milli kannana, eða 3,9%.

Árleg skýrsla Alþjóðagjaldeyrissjóðsins um íslenskt efnahagslíf var birt í dag á vef sjóðsins. Reglubundnar úttektir á stöðu og horfum í efnahagslífi aðildarlandanna eru gerðar á grundvelli 4. greinar stofnsáttmála um sjóðinn (e. Article IV Consultation). Sendinefnd frá Alþjóðagjaldeyrissjóðnum átti fundi með íslenskum stjórnvöldum og ýmsum hagaðilum í júní sl.

Fjármálaeftirlit Seðlabanka Íslands hefur lokið máli sem varðaði brot Trygginga og ráðgjafar ehf. á tilteknum ákvæðum laga nr. 62/2019 um dreifingu vátrygginga og laga nr. 30/2004 um vátryggingasamninga.