Fjármálaeftirlit Seðlabanka Íslands framkvæmdi vettvangsathugun hjá Sjóvá-Almennum tryggingum hf. í október 2025 og lá niðurstaða fyrir í febrúar 2026.Markmið athugunarinnar var að kanna hvort starfssviði tryggingastærðfræðings félagsins væri hagað í samræmi við lög um vátryggingastarfsemi.

Fjármálastöðugleikanefnd Seðlabanka Íslands tekur ákvarðanir um beitingu stjórntækja bankans er varða fjármálastöðugleika. Í fjármálastöðugleika felst að fjármálakerfið geti staðist áföll í efnahagslífi og á fjármálamörkuðum, miðlað lánsfé og greiðslum og dreift áhættu með viðhlítandi hætti.

Seðlabankinn framkvæmir ársfjórðungslega útlánakönnun meðal viðskiptabankanna fjögurra. Spurt er um mat þeirra á þróun framboðs og eftirspurnar eftir lánsfé, um breytingar á útlánareglum, útlánavöxtum og vaxtaálagi og hvaða þættir hafi haft ráðandi áhrif á þær breytingar á síðustu þremur mánuðum. Einnig er spurt um væntingar viðskiptabankanna um horfur næstu sex mánuði. Könnunin var síðast framkvæmd 1. til 17. apríl sl. og eru niðurstöðurnar hér byggðar á meðaltali svara.

Árshlutauppgjör Seðlabanka Íslands fyrir fyrstu þrjá mánuði ársins 2026 liggur nú fyrir. Það sýnir rekstrarreikning, efnahagsreikning og sjóðstreymisyfirlit fyrir tímabilið frá 1. janúar til 31. mars 2026 og er birt í samræmi við 38. grein laga um Seðlabanka Íslands nr. 92/2019.