Í Fjármálastöðugleika er tvisvar á ári birt yfirlit yfir stöðu fjármálakerfisins, þ.e. um styrk þess og hugsanlega veikleika og áhættu sem því kann að vera búin bæði af þjóðhagslegum og rekstrarlegum toga.

Fjármálakerfið hér á landi stendur traustum fótum og er vel í stakk búið til að mæta ófyrirséðum áföllum. Fjárhagsstaða kerfislega mikilvægra banka er sterk og aðgengi þeirra að markaðsfjármögnun greitt. Þeir hafa síðustu misserin endurfjármagnað erlendar markaðsskuldir á hagstæðum kjörum og til lengri tíma en áður. Stríðsátök við Persaflóa hafa leitt til framboðstruflana og verðhækkana á olíu og öðrum hrávörum. Óvissa í alþjóðlegum efnahagsmálum hefur aukist enn frekar, verðbólguhorfur versnað og víða eru væntingar um hærri vexti og hægari efnahagsumsvif. Afleiðingar þessa gætu með tímanum reynt á fjármálastöðugleika.

Yfirlýsing fjármálastöðugleikanefndar Seðlabanka Íslands verður birt kl. 8:30, miðvikudaginn 25. mars 2026. Ritið Fjármálastöðugleiki verður birt á vef bankans klukkan 8:35.

Fimmtudaginn 19. mars, stóð Seðlabanki Íslands fyrir fjármálaeftirlitsdeginum. Dagurinn er vettvangur til að fjalla um ýmis áherslumál í fjármálaeftirliti en einnig er hann hugsaður sem samtalsvettvangur fyrir eftirlitsskylda aðila og starfsfólk Seðlabankans sem starfar við fjármálaeftirlit. Viðburðurinn er liður í því að auka gagnsæi, upplýsingagjöf og fræðslu í fjármálaeftirliti og um leið að vera vettvangur til að hlusta eftir sjónarmiðum frá aðilum á markaði. Viðburðurinn er árlegur og haldinn fyrri hluta hvers árs.

Seðlabanki Íslands birtir mánaðarlega tilkynningu um dráttarvexti og vexti af peningakröfum.

Þórarinn G. Pétursson, varaseðlabankastjóri peningastefnu, hélt kynningu á fréttamannafundi um yfirlýsingu peningastefnunefndar 18. mars 2026. Þar skýrði hann þá þætti sem lágu til grundvallar ákvörðun nefndarinnar. Meðal annars fjallaði hann um innlendan verðbólguþrýsting og verðbólguvæntingar, launaþróun á Íslandi í samanburði við nágrannalönd og áhrif átakanna við Persaflóa á olíuverð.

Peningastefnunefnd Seðlabanka Íslands hefur ákveðið að hækka vexti bankans um 0,25 prósentur. Meginvextir bankans, vextir á sjö daga bundnum innlánum, verða því 7,50%. Þrír nefndarmenn studdu þessa ákvörðun en tveir vildu hækka meginvexti um 0,5 prósentur.

Yfirlýsing peningastefnunefndar verður birt á vef Seðlabanka Íslands á morgun, miðvikudaginn 18. mars 2026, kl. 8:30. Vefútsending hefst klukkan 9:30 þar sem gerð verður grein fyrir yfirlýsingu nefndarinnar á fréttamannafundi með fulltrúum fjölmiðla og fjármálafyrirtækja.