Seðlabanki Íslands birtir ársfjórðungslega yfirlit yfir þróun efnahagsmála, safn hagvísa og stöðu fjármálakerfisins, Hagvísa Seðlabanka Íslands. Hagvísarnir eru einnig gefnir út á ensku undir heitinu Economic Indicators.

Framkvæmdastjórn Evrópusambandsins hefur hafið samráðsferli um samkeppnishæfni bankakerfis Evrópu. Samráðið er liður í undirbúningi skýrslu sem framkvæmdastjórnin mun birta um sama efni síðar á þessu ári.

Alþjóðapólitísk áhætta hefur verið mikil og vaxandi síðustu mánuði. Átökin við Persaflóa hafa hækkað áhættuálag á fjármálamörkuðum og væntingar eru nú um vaxtahækkanir. Verulegar framboðstruflanir hafa orðið og verð á olíu og öðrum hrávörum hefur hækkað. Áhrif átakanna á alþjóðlega verðbólgu og efnahagsumsvif ráðast að miklu leyti af því hversu langvinn þau verða og hvenær mikilvægar siglingaleiðir opnast á ný.

Þórarinn G. Pétursson varaseðlabankastjóri peningastefnu mun kynna nýja rannsókn á verðbólgu á Íslandi sem hann hefur unnið ásamt Bjarna G. Einarssyni. Kynningin verður fimmtudaginn 26. mars klukkan 15:00 í Seðlabanka Ísland. Rannsóknin verður birt sem rannsóknarritgerð (Working paper) með titilinn What is the trend? The evolution and drivers of Icelandic trend inflation.

Í Fjármálastöðugleika er tvisvar á ári birt yfirlit yfir stöðu fjármálakerfisins, þ.e. um styrk þess og hugsanlega veikleika og áhættu sem því kann að vera búin bæði af þjóðhagslegum og rekstrarlegum toga.

Fjármálakerfið hér á landi stendur traustum fótum og er vel í stakk búið til að mæta ófyrirséðum áföllum. Fjárhagsstaða kerfislega mikilvægra banka er sterk og aðgengi þeirra að markaðsfjármögnun greitt. Þeir hafa síðustu misserin endurfjármagnað erlendar markaðsskuldir á hagstæðum kjörum og til lengri tíma en áður. Stríðsátök við Persaflóa hafa leitt til framboðstruflana og verðhækkana á olíu og öðrum hrávörum. Óvissa í alþjóðlegum efnahagsmálum hefur aukist enn frekar, verðbólguhorfur versnað og víða eru væntingar um hærri vexti og hægari efnahagsumsvif. Afleiðingar þessa gætu með tímanum reynt á fjármálastöðugleika.