Fjármálaeftirlit Seðlabanka Íslands hóf með bréfi í júní 2023, athugun á aðkomu Íslenskra verðbréfa hf. að rekstri sérhæfða sjóðsins TFII slhf. Niðurstaða athugunarinnar lá fyrir í febrúar 2026 og má nálgast hér fyrir neðan:

Í samræmi við starfsreglur peningastefnunefndar Seðlabanka Íslands er hér birt fundargerð nefndarinnar, en fundargerðina skal birta tveimur vikum eftir að ákvörðun nefndarinnar er kynnt.

Fjármálaeftirlit Seðlabanka Íslands hefur uppfært lista á vef Seðlabankans yfir ríki sem teljast áhættusöm og ósamvinnuþýð, sbr. 6. gr. laga nr. 140/2018 um aðgerðir gegn peningaþvætti og fjármögnun hryðjuverka.

Efnahags- og viðskiptanefnd Alþingis heldur opinn fund á morgun, þriðjudaginn 17. febrúar, til að fjalla um skýrslu peningastefnunefndar Seðlabanka Íslands til Alþingis fyrir síðari hluta ársins 2025.

Karen Áslaug Vignisdóttir, aðalhagfræðingur og framkvæmdastjóri hagfræði og peningastefnu í Seðlabanka Íslands, kynnti nýlega efni nýútgefinna Peningamála, fyrsta heftis 2026, á fundum í fimm fjármálafyrirtækjum, þ.e. Landsbankanum, Íslandsbanka, Arion banka, Kviku banka og Arctica Finance. Í kynningunum greindi Karen frá ýmsum atriðum varðandi efnahagsumsvif og verðbólgu.

Landsréttur kvað upp dóm í máli Símans hf. gegn Seðlabanka Íslands og íslenska ríkinu í gær, 12. febrúar 2026. Í málinu var tekist á um ákvörðun fjármálaeftirlitsnefndar Seðlabanka Íslands frá 31. október 2023 um að leggja stjórnvaldssekt að fjárhæð 76.500.000 krónur á Símann hf. fyrir brot gegn þágildandi 1. mgr. 122. gr. laga nr. 108/2007 um verðbréfaviðskipti og 17. gr. reglugerðar um markaðssvik (MAR), sbr. lög nr. 60/2021 um aðgerðir gegn markaðssvikum.

Fjármálaeftirlit Seðlabanka Íslands hóf með bréfi, dags. 13. nóvember 2024, athugun á umgjörð útvistunar hjá Teya Iceland hf. Niðurstaða athugunarinnar lá fyrir í nóvember 2025.