Heildareignir vátryggingafélaga námu 342 ma.kr. í lok febrúar. Af heildareignum námu eignir skaðatryggingafélaga tæplega 321,3 ma.kr. og eignir líftryggingafélaga 20,7 ma.kr.
Innlendar eignir vátryggingafélaga námu 275,5 ma.kr. og erlendar eignir námu 66,5 ma.kr.

Innlendar skuldir félaganna námu 162,8 ma.kr. en þar af námu vátrygginga- og lífeyrisskuldir 144,2 ma.kr. Erlendar skuldir vátryggingafélaga námu 437 m.kr.

Í lok febrúar nam eigið fé tryggingafélaga 178,8 ma.kr. og lækkaði um 4,2 ma.kr. á milli mánaða.

Vegna innleiðingar á IFRS 17 reikningsskilastaðli í uppgjöri tryggingafélaga er brot í tímaröðum um iðgjaldakröfur og iðgjaldaskuld í janúar 2023.

Næsta birting: 17. maí 2024