Bein fjárfesting
21. mars
2022 uppfærsla
Bein fjárfesting erlendra aðila innanlands
Í árslok 2022 var heildar bein fjármunaeign erlendra aðila á Íslandi 1.322 ma.kr. Beint fjárfestingarflæði til Íslands nam 115 ma.kr. á árinu.
Hlutafjárkaup og hlutafjárframlag erlendra aðila í innlendum félögum nam 85 ma.kr á árinu. Til lækkunar heildarflæðis voru hlutafjársölur að fjárhæð 36 ma.kr. Áhrif endurfjárfestingar á heildarflæði voru 35 ma.kr til hækkunar.
Hlutfall eiginfjáreignar af heildar beinni fjármunaeign í lok ársins 2022 var 63% og restin í formi lánsfjármagns milli eignatengdra aðila.
Stærstu beinu fjárfestingarlöndin í árslok voru Lúxemborg, Holland, Sviss, Bretland og Noregur.
Bein fjárfesting erlendra aðila innanlands er að stærstum hluta í félögum tengdum álframleiðslu og lyfjaiðnaði. Um 47% af beinni fjármunaeign er í eignarhaldsfélögum en stór hluti þeirra félaga tengjast áðurnefndum atvinnugreinum.
Bein fjárfesting innlendra aðila erlendis
Í árslok 2022 var bein fjármunaeign innlendra aðila erlendis 711 ma.kr. en beint fjárfestingarflæði var neikvætt um 16 ma.kr. á árinu.
Af heildar beinni fjármunaeign innlendra aðila erlendis var 87% í formi eiginfjár.
Um 51% beinnar fjármunaeignar er skráð í Hollandi en megnið af því fjármagni er í eignarhaldsfélögum.
Stærstu beinu fjárfestarnir eru félög sem tengjast lyfjaiðnaði, tækja- og vélaframleiðslu sem og sjávarútvegi. Af fjárfestingu innlendra aðila erlendis er tæpur helmingur í eignarhaldsfélögum sem að stærstum hluta tengjast áðurnefndum atvinnugreinum.
Skilgreiningar
Bein fjárfesting mælir beina fjármunaeign og beint fjárfestingarflæði sem eru til komin vegna viðskipta á milli innlendra og erlendra aðila sem eru í beinu fjárfestingarsambandi.
Beint fjárfestingarsamband: Beinn fjárfestir, beint fjárfestingarfyrirtæki og önnur eignatengd félög teljast vera í beinu fjárfestingarsambandi sín á milli.
Beinn fjárfestir er sá aðili sem í krafti eignarhlutar hefur yfirráð eða áhrif á stjórnun annars félags sem ekki er skráð til búsetu í sama landi. Fjárfestirinn ræður
samanlagt yfir 10% eða meira af atkvæðamagni í félaginu.
Annað
Talnaefni í töflu hagtalna tilgreinir samtölur samandregnar atvinnugreinaskiptingar sem og flokkun á stærstu viðskiptalöndum án sértækra félaga.
Til viðbótar við uppfærðar tölur fyrir landa- og atvinnugreinaskiptingu ársins 2022 eru birtar ársfjórðungslegar samtölur eftir eðli viðskipta frá árinu 2013 til ársins 2023.
Sértæk félög í erlendri eigu áttu rúmlega 34 ma.kr. í beinni fjármunaeign skráðri innanlands í árslok 2022. Þeir fjármunir eru svo aftur eignir í erlendum félögum.
Nánari sundurliðun með og án sértækra félaga er að finna á vef OECD. Hlekkur á vefinn er að finna undir liðnum annað tengt efni hér á síðunni. Gagnagrunnur OECD er uppfærður í desember ár hvert.
Næsta birting:
19.
september 2024
Töflur
Tímaraðir
Lýsigögn
Annað tengt efni