logo-for-printing

02.12.2019Ásgeir Jónsson - SFF dagurinn 2019

Erindi seðlabankastjóra á SFF-deginum

Ásgeir Jónsson seðlabankastjóri hélt erindi á SFF-deginum sem haldinn var í Hörpu fimmtudaginn 28. nóvember sl. Samtök fjármálafyrirtækja stóðu fyrir deginum sem er árviss viðburður. Á fundinum var starfsumhverfi og samkeppnishæfni fjármálafyrirtækja til umræðu. Erindi Ásgeirs sneri að þróun bankakerfisins og horfum á fjármálamarkaði í dag. Þá fjallaði hann um miðlun peningastefnunnar og samspil hennar og þjóðhagsvarúðartækja.

Nánar
22.11.2019Ásgeir Jónsson seðlabankastjóri

Hagstjórn í hundrað ár – Erindi seðlabankastjóra

Ásgeir Jónsson seðlabankastjóri og Jón Sigurðsson fyrrverandi seðlabankastjóri fluttu erindi á málþingi Seðlabankans og Hagfræðistofnunar Háskóla Íslands fimmtudaginn 21. nóvember um hagstjórn á Íslandi í hundrað ár.

Nánar
21.11.2019Rannveig Sigurðardóttir

Aðstoðarseðlabankastjóri á fundi Samiðnar

Rannveig Sigurðardóttir aðstoðarseðlabankastjóri sótti miðstjórnarfund Samiðnar – Sambands iðnfélaga þriðjudaginn 19. nóvember. Á fundinum fór Rannveig yfir stöðu efnahagsmála á Íslandi og horfur næstu ára. Rannveig ræddi einnig samspil peningastefnunnar og stöðu efnahagsmála og hvernig vaxtalækkanir undanfarinna mánaða hafa stutt við eftirspurn.

Nánar
13.11.2019Þórarinn G. Pétursson, aðalhagfræðingur Seðlabanka Íslands.

Kynning aðalhagfræðings á efni Peningamála

Þórarinn G. Pétursson, aðalhagfræðingur Seðlabanka Íslands, framkvæmdastjóri hagfræði og peningastefnu og meðlimur í peningastefnunefnd, hefur kynnt efni nýlegra Peningamála á fundum með starfsfólki fjármálafyrirtækja síðustu daga, þ.e. Kviku, Arion banka og Íslandsbanka. Í kynningunni fór hann meðal annars yfir áhrif viðskiptadeilu Bandaríkjanna og Kína, þróun hagvaxtar, vaxtaþróun, útlán, atvinnu, og þróun og horfur um verðbólgu.

Nánar
07.11.2019Ásgeir Jónsson seðlabankastjóri

Seðlabankastjóri fjallar um ótroðnar lágvaxtaslóðir á peningamálafundi Viðskiptaráðs

Ásgeir Jónsson seðlabankastjóri ávarpaði peningamálafund Viðskiptaráðs Íslands í morgun og fjallaði um ótroðnar lágvaxtaslóðir, þróun hagkerfisins á undanförnum árum og horfur í efnahagsmálum. Þá fjallaði hann um ákveðnar kerfisbreytingar sem átt hafa sér stað að undanförnu.

Nánar