Vaxtaákvörðun kynnt og vefútsending

Miðvikudaginn 13. desember 2017, verður birt og gerð grein fyrir ákvörðun peningastefnunefndar um vexti Seðlabanka Íslands. Vaxtaákvörðunin verður birt með frétt á vef Seðlabanka Íslands klukkan 8:55.
Klukkustund síðar, klukkan 10:00, hefst svo vefútsending þar sem Már Guðmundsson, seðlabankastjóri og formaður peningastefnunefndar, og Arnór Sighvatsson, aðstoðarseðlabankastjóri og nefndarmaður í peningastefnunefnd, gera grein fyrir ákvörðun nefndarinnar og þeim rökum sem að baki liggja.

Vefútsendingin verður aðgengileg hér

Rétt er að taka fram að Seðlabankinn tekur enga ábyrgð á hugsanlegum hnökrum sem kunna að verða í útsendingunni.