logo-for-printing

10.01.2014

Útgáfudagar fyrir lánshæfismat ríkissjóðs

Matsfyrirtækjunum  Standard & Poors, Moody´s og Fitch er gert að birta dagsetningar fyrir útgáfu á lánshæfismati aðildarríkja Evrópusambandsins, samanber reglugerð númer 462/2013. Þessi reglugerð miðar að því meðal annars að auka gagnsæi í starfsemi matsfyrirtækja, bæta matsferlið og auka ábyrgð fyrirtækjanna á lánshæfismati sem hefur sýnt sig að hafa mikil áhrif á lánskjör sem ríkissjóðir aðildarríkja Evrópusambandsins njóta.

Reglugerðin gildir  fyrir ríki á Evrópska efnahagssvæðinu (EES), en þessi reglugerð ásamt nokkrum nýjum reglum um fjármálaeftirlit og fleira (sbr. t.d. reglugerð númer 1095/2010) hefur að vísu ekki verið formlega innleidd í EES-ríkjunum. 

Birtingaráætlunin er alfarið á ábyrgð matsfyrirtækjanna sjálfra. Matsfyrirtækin hafa birt dagsetningar 2014 fyrir Ísland sem hér segir:

 Matsfyrirtæki     Dagsetning
    S&P     24. janúar
    Fitch     7. febrúar
    Moody´s     14. mars
    Moody's     11. júlí
    S&P     18. júlí
    Fitch     1. ágúst
    Moody's     7. nóvember



Til baka