logo-for-printing

11.12.2012

Vaxtaákvörðun og vefútsending

Á morgun, miðvikudaginn 12. desember 2012, verður vaxtaákvörðun peningastefnunefndar birt í sérstakri fréttatilkynningu hér á vef bankans, auk þess sem hún er send fjölmiðlum og öðrum sem skrá sig á útsendingarlista. Fréttin verður birt kl. 8:55. Nokkur síðar, eða klukkan 10:30 hefst vefútsending hér á vefnum þar sem Már Guðmundsson seðlabankastjóri og Arnór Sighvatsson aðstoðarseðlabankastjóri gera grein fyrir ákvörðun nefndarinnar. Már er formaður peningastefnunefndar og Arnór er einnig nefndarmaður.

Hægt verður að fylgjast með vefútsendingunni á sérstakri slóð. Þar sem nýrri tækni verður beitt á morgun fylgir hér með slóð til prufu og eru áhugasamir notendur hvattir til að kanna hjá sér hvort slóðin virki rétt (svartur grunnur með textanum „mediasite“ efst og svo tveir bláir rammar, annar með textanum „waiting for presentation to begin“). Á stórum vinnustöðum getur þurft aðstoð tölvudeildar á viðkomandi stað. Sem fyrr minnir Seðlabankinn á að hann tekur ekki ábyrgð á mögulegum upplýsingaskorti sem kann að stafa af hnökrum í útsendingu.

Prufuslóðin er hér: http://streymi.nyherji.is/Mediasite/Play/326a64b18b4c4626803a0c92b92bf84b1d 

Vefútsending sjálf á morgun verður hér: http://streymi.nyherji.is/Mediasite/Play/e9edd58e0c424d078f2c0d79b0fc1b551d

Nánari skýring varðandi útsendinguna:

Búið er að uppfæra streymibúnað og miðlara sem gerir það að verkum að hægt er að þjóna fleirum í betri gæðum en áður, einnig á að vera hægt að horfa á útsendingar á iPhone , iPad og Android-stýrikerfum með útgáfu 4.0 eða síðar.

Notendur geta þurft að uppfæra hjá sér svokallaðan Silverlight-spilara sem er nauðsynlegur til að horfa á streymið.

Hægt er að nálgast Silverlight-spilara hér.
http://www.microsoft.com/silverlight/ 

 

Til baka