logo-for-printing

13.05.2011

Laust starf í Seðlabanka Íslands

Laust starf sérfræðings í greiðslukerfum á fjármálasviði Seðlabanka Íslands

Seðlabanki Íslands óskar eftir að ráða sérfræðing til starfa á fjármálasvið bankans. Um er að ræða 100% starfshlutfall með starfstöð í Reykjavík.
Viðfangsefni fjármálasviðs lúta að öryggi og virkni fjármálastofnana og markaða, auk greiningar á grunnþáttum fjármálakerfisins. Þá annast fjármálasvið verkefni bankans á sviði greiðslumiðlunar ásamt því að hafa umsjón með fjárhirslum bankans.

Helstu verkefni:
• Yfirsýn með þýðingarmiklum greiðslukerfum og innviðum þeirra
• Reglubundin greining á rekstri kerfanna og miðlun upplýsinga til innri og ytri aðila
• Mótun langtímastefnu varðandi tæknilega þróun kerfa, innleiðingu og framkvæmd breytinga
• Tengsl innlendrar greiðslumiðlunarkerfa við erlend greiðslu- og uppgjörskerfi
• Skipulag viðbúnaðarmála á vettvangi greiðslumiðlunar
• Mat á nýjungum á sviði greiðslumiðlunar með tilliti til öryggis, skilvirkni og hagkvæmni

Menntunar- og hæfniskröfur:
• Háskólamenntun sem nýtist í starfi, helst á sviði upplýsingatækni og/eða stærðfræði/tölfræði
• Víðtæk þekking og reynsla á vettvangi upplýsingatæknimála og greiðslumiðlunar
• Áhersla er lögð á framúrskarandi ritfærni, bæði á íslensku og ensku
• Kunnátta í dönsku, sænsku og/eða norsku er æskileg
• Hæfni til að starfa sjálfstætt og í hópi
• Færni í mannlegum samskiptum
• Frumkvæði, nákvæmni og metnaður til að ná árangri í starfi

Nánari upplýsingar um starfið veitir Guðmundur Kr. Tómasson, aðstoðarframkvæmdastjóri og forstöðumaður greiðslukerfa, í síma 569-9600.

Sótt skal um starfið á heimasíðu Seðlabanka Íslands, www.sedlabanki.is, í síðasta lagi sunnudaginn 29. maí næstkomandi. Umsóknir gilda í sex mánuði. Öllum umsóknum verður svarað þegar ákvörðun um ráðningu hefur verið tekin.

Hægt er að sækja um starfið hér

Til baka