logo-for-printing

08.04.2011

Málstofa um mótun peningastefnu

Næstkomandi þriðjudag verður haldin málstofa um mótun framtíðarstefnu í peningamálum. Málstofan hefst kl. 15:00 í sal HT-102 í Háskóla Íslands. Frummælendur verða Þórarinn G. Pétursson, aðalhagfræðingur Seðlabanka Íslands, Friðrik Már Baldursson prófessor og Yngvi Örn Kristinsson hagfræðingur.

Gert er ráð fyrir að málstofan standi í tvær klukkustundir. Það er efnahags- og viðskiptaráðuneytið, í samvinnu við Seðlabanka Íslands og Háskóla Íslands, sem efnir til þessarar málstofu.

Málstofan er öllum opin. 

Sjá hér nánari tímasetningar á dagskránni:

15:00   Þórólfur Matthíasson prófessor, forseti Hagfræðideildar, setur málstofuna.

15:05   Þórarinn G. Pétursson, aðalhagfræðingur S.Í.: Peningastefna eftir höft.

15:30   Friðrik Már Baldursson prófessor: Valkostir í peningamálum.

15:45   Yngvi Örn Kristinsson hagfræðingur: Þjóðhagsvarúð, er það lausnarorðið?

16:00   Almennar umræður.

Fundarstjóri: Björn Rúnar Guðmundsson, skrifstofustjóri í efnahags- og viðskiptaráðuneyti.

Til baka