logo-for-printing

08.03.2011

Málstofa í dag kl. 15:00 um skuldir þjóðarinnar

Málstofa verður haldin í dag klukkan 15:00 í fundarsal bankans, Sölvhóli.

Frummælendur eru Arnór Sighvatsson aðstoðarseðlabankastjóri, Regína Bjarnadóttir hagfræðingur á hagfræðisviði Seðlabankans og Freyr Hermannsson ráðgjafi á alþjóða- og markaðssviði Seðlabankans.

Efni málstofunnar er: „Hvað skuldar þjóðin“.

Ágrip: Farið verður yfir efni nýútkominnar greinar um efnið eftir nokkra starfsmenn Seðlabankans. Fjallað verður um hvernig upplýsinga er aflað og um þá alþjóðlegu staðla sem gilda um mat á erlendum eignum og skuldum. Við mat á eignum og skuldum Íslands til framtíðar er rétt að áætla hvernig eignir þeirra mörgu stóru aðila sem nú eru í gjaldþrotameðferð muni skiptast. Farið verður yfir hvernig þessi skipting er áætluð og gerð grein fyrir heildarskuldum og hreinni skuld helstu geira þjóðarbúskaparins. Þá verður farið yfir stöðu viðskiptajafnaðar og horfur um þróun erlendra skulda á næstu árum.

 

Til baka