08. ágúst 2006
Skýrsla Alþjóðagjaldeyrissjóðsins um íslensk efnahagsmál
Í dag þriðjudaginn 8. ágúst birti Alþjóðagjaldeyrissjóðurinn skýrslu um íslensk efnahagsmál á heimsíðu sinni (www.imf.org). Um er að ræða reglubundna skýrslu um stöðu og horfur í efnahagsmálum (e. Staff Report for the 2006 Article IV Consultation) sem samin var eftir heimsókn sérfræðinga sjóðsins hingað til lands í maí sl. (sjá frétt Seðlabanka Íslands nr. 17/2006 frá 15. maí 2006). Skýrslunni fylgja tveir viðaukar (Selected Issues Papers) sem fjalla annars vegar um fjármálareglur og sveiflur í þjóðarbúskapnum og hins vegar um áhættu og veikleika í íslenska bankakerfinu.
Á heimasíðu Alþjóðagjaldeyrissjóðsins hefur einnig verið birt fréttatilkynning um útgáfu skýrslunnar og umræðu sem fram fór um hana í framkvæmdastjórn sjóðsins föstudaginn 4. ágúst sl.
Nánari upplýsingar veita Davíð Oddsson formaður bankastjórnar eða Sturla Pálsson framkvæmdastjóri alþjóðasviðs Seðlabanka Íslands í síma 569-9600.
Nr. 29/2006
8. ágúst 2006