23. ágúst 2004
Tilkynning um dráttarvexti og vexti af peningakröfum
Seðlabanki Íslands birtir mánaðarlega tilkynningu um dráttarvexti og vexti af peningakröfum. Þann 1. september nk. hækka almennir vextir óverðtryggðra lána um 0,5 prósentur úr 8,0% í 8,5% þegar tekið hefur verið mið af lægstu vöxtum óverðtryggðra skuldabréfalána á markaði. Hækkunin hefur áhrif á vexti skaðabótakrafna, sem taka mið af almennum óverðtryggðum vöxtum og hækka úr 5,3% í 5,7%. Auk þessa hækka dráttarvextir af peningakröfum í sterlingspundum úr 7,5% í 8,0%.