Helstu liðir í efnahagsreikningi Seðlabanka Íslands
Meðfylgjandi eru upplýsingar úr efnahagsreikningi Seðlabanka Íslands í lok
apríl 2000 og til samanburðar í lok desember 1999 ásamt breytingum í apríl og
frá ársbyrjun.
Gjaldeyrisforði Seðlabankans breyttist nánast
ekkert í apríl og nam 32,3 milljörðum króna í lok mánaðarins (jafnvirði 429
milljóna bandaríkjadala á gengi í mánaðarlok). Gengi íslensku krónunnar, mælt
með vísitölu gengisskráningar, styrktist í mánuðinum um 0,75%.
Erlend
skammtímalán bankans voru nánast óbreytt í mánuðinum og námu 8,4 milljörðum
króna í apríllok.
Heildareign Seðlabankans í markaðsskráðum verðbréfum nam
8,7 milljörðum króna í apríllok miðað við markaðsverð og hækkaði um 0,5
milljarða króna í mánuðinum. Þar af eru markaðsskráð verðbréf ríkissjóðs 5,8
milljarðar króna.
Kröfur Seðlabankans á innlánsstofnanir hækkuðu um 1,4
milljarða króna í apríl og námu 30,7 milljörðum króna í lok mánaðarins. Kröfur á
aðrar fjármálastofnanir hækkuðu einnig um 1,8 milljarða króna í mánuðinum og
voru 7,9 milljarðar króna í lok hans.
Nettókröfur bankans á ríkissjóð og
ríkisstofnanir lækkuðu um 2,5 milljarða króna í apríl og voru neikvæðar um 9,9
milljarða króna í lok mánaðarins. Þar með höfðu nettókröfur bankans á ríkissjóð
og ríkisstofnanir hækkað um 1,6 milljarða króna frá áramótum.
Grunnfé bankans
hækkaði lítillega í mánuðinum og nam 27 milljörðum króna í lok
hans.
Nánari upplýsingar veita bankastjórar Seðlabanka Íslands og Erla
Árnadóttir aðalbókari í síma 569-9600.
Helstu liðir í efnahagsreikningi Seðlabanka Íslands í milljónum króna
Nr. 12/2000
5. maí 2000