logo-for-printing

03.04.1998

Helstu liðir í efnahagsreikningi Seðlabanka Íslands

Meðfylgjandi eru upplýsingar úr efnahagsreikningi Seðlabanka Íslands í lok mars 1998 og til samanburðar í lok desember 1997 ásamt breytingum í mánuðinum og frá áramótum.

 Gjaldeyrisforði Seðlabankans jókst um tæpan milljarð króna í mars og nam í lok mánaðarins 27,3 milljörðum króna (jafnvirði 376 milljóna bandaríkjadala á gengi í mánaðarlok). Erlendar skammtímaskuldir bankans eru óverulegar og breyttust lítið í mánuðinum.

 Á gjaldeyrismarkaði námu nettó gjaldeyriskaup Seðlabankans í mars rúmum 0,2 milljörðum króna. Gengi íslensku krónunnar, mælt með vísitölu gengisskráningar, lækkaði í mars um 0,1%.
 
 Heildareign Seðlabankans í markaðsskráðum verðbréfum rýrnaði í mars um rúma 3,9 milljarða króna og er þá miðað við markaðsverð. Eign bankans í spariskírteinum ríkissjóðs jókst um 0,2 milljarða króna en ríkisbréfaeignin lækkaði lítillega. Ríkisvíxlaeignin lækkaði um 4,1 milljarð króna og nam í mánaðarlok tæpum milljarði króna. Kröfur Seðlabankans á innlánsstofnanir jukust um 3,6 milljarða króna í mars en nettókröfur bankans á ríkissjóð og ríkisstofnanir lækkuðu um 3,2 milljarða króna og námu 4,1 milljarði króna í lok mánaðarins. Grunnfé bankans hækkaði um rúma 1,2 milljarða króna í mánuðinum og nam 18,1 milljarði króna í lok hans.

 Nánari upplýsingar veita bankastjórar Seðlabankans og Erla Árnadóttir aðalbókari í síma 569-9600.

Helstu liðir í efnahagsreikningi Seðlabankans

Nr. 13/1998
3. apríl 1998

Til baka