Fréttasafn

14.02.2019

Vefútsending 6. febrúar 2019

13.02.2019

Kynning aðalhagfræðings Seðlabankans á peningastefnunni

Þórarinn G. Pétursson, aðalhagfræðingur Seðlabanka Íslands og meðlimur í peningastefnunefnd, hefur haldið erindi í sex fjármálafyrirtækjum til að kynna efni Peningamála nr. 1 á þessu ári og síðustu vaxtaákvörðun peningastefnunefndar frá 6. þessa mánaðar. Fyrirtækin sem Þórarinn hélt kynningu fyrir voru Kvika, Fossar, Íslandsbanki, Arion, Landsbanki og Arctica Finance.

Nánar

11.02.2019

Már Guðmundsson seðlabankastjóri og Katrín Jakobsdóttir forsætisráðherra.

Fjölmenni sá gull og gersemar í Seðlabankanum á Safnanótt

Það var stöðugur straumur fólks í Seðlabankann á föstudagskvöldið þegar bankinn tók þátt í Safnanótt á höfuðborgarsvæðinu og sýndi m.a. gullstöng, sérstaklega valin málverk eftir öndvegis listmálara, bauka, bankabækur og fleira tengt sparnaði. Alls mættu um 2.200 manns í bankann og það var stöðug biðröð áhugasamra á öllum aldri eftir því að fá að handleika og lyfta gullstönginni sem vegur 12,4 kílógrömm og er að andvirði um 63 milljónir króna. Einnig sýndu gestir málverkum bankans mikla athygli, en meðal verka voru málverk eftir Jóhannes Kjarval, Ásgrím Jónsson, Louisu Matthíasdóttur og Gunnlaug Blöndal, þar á meðal tvær umtalaðar konumyndir eftir Gunnlaug. Ekki var annað að sjá en að fólk skemmti sér hið besta og nyti vel þess sem boðið var upp á. Seðlabankinn þakkar öllum þeim sem heimsóttu bankann á Safnanótt.

Nánar

08.02.2019

Gull og myndlist á Safnanótt í Seðlabankanum í kvöld

Fólki gefst kostur á að skoða úrval listaverka í eigu Seðlabanka Íslands á Safnanótt í bankanum í kvöld. Enn fremur verður gull úr gjaldeyrisforða Seðlabankans til sýnis. Gestir geta skoðað í fyrsta sinn gullstöng og lyft henni í sérstökum búnaði. Húsið verður opnað klukkan 17:30. Már Guðmundsson seðlabankastjóri mun bjóða fólk velkomið og Katrín Jakobsdóttur forsætisráðherra flytur stutt ávarp. Sýningin verður einkum helguð sparnaði fyrr og nú. Til sýnis verða sparibaukar, sparimerki og bankabækur frá fyrri tíð. Að venju gefst gestum kostur á að skoða höggmyndir í útigarði bankans. Aðgangur að sýningunni er frá Arnarhóli, um aðaldyr bankans.

Nánar

06.02.2019

Seðlabankastjóri skýrir efnahagshorfur og ákvörðun peningastefnunefndar

Seðlabanki Íslands birtir hér í fyrsta sinn sérstakt myndband með Má Guðmundssyni seðlabankastjóra í tilefni af vaxtaákvörðun peningastefnunefndar þar sem hann fjallar um efnahagshorfur og ákvörðun nefndarinnar.

Nánar

06.02.2019