logo-for-printing

Greiðslujöfnuður við útlönd

02. mars

4. ársfjórðungur 2021

Á fjórða ársfjórðungi 2021 var 44,2 ma.kr. halli á viðskiptajöfnuði við útlönd. Það er 61,2 ma.kr. lakari niðurstaða en ársfjórðunginn á undan og 67,6 ma.kr. lakari en á sama fjórðungi árið 2020. Halli á vöruskiptajöfnuði var 38,7 ma.kr. en 20,1 ma.kr. afgangur var af þjónustujöfnuði. Halli á frumþáttatekjum var 15,5 ma.kr. og 10,1 ma.kr. á rekstrarframlögum.
Helsta ástæða fyrir lakari niðurstöðu viðskiptajafnaðar miðað við sama ársfjórðung árið 2020 er lakari niðurstaða frumþáttatekna um sem nemur 27,6 ma.kr. Halli á jöfnuði frumþáttatekna mælist nú eftir viðvarandi afgang frá öðrum ársfjórðungi 2015. Að mestu leyti skýrist það af bættri afkomu fyrirtækja í erlendri eigu sem flokkast undir beina fjárfestingu. Einnig voru vöruviðskipti lakari um sem nemur 23,2 ma.kr., að mestu vegna kröftugri vöruinnflutnings. Þjónustuviðskipti voru lakari um 5,9 ma.kr. Halli rekstrarframlaga var 1,6 ma.kr. meiri en á sama fjórðungi árið 2020.
Halli á viðskiptajöfnuði fyrir árið 2021 í heild nam 90,2 ma.kr. samanborið við 24,1 ma.kr. afgang árið á undan. Halli á vöruskiptajöfnuði var 163,7 ma.kr. en afgangur á þjónustujöfnuði var 94,8 ma.kr. Frumþáttatekjur skiluðu 11,6 ma.kr. afgangi en rekstrarframlög 33 ma.kr. halla.


Næsta birting: 01. júní 2022


Umsjón

Upplýsingatækni og gagnasöfnun | adstod@sedlabanki.is