logo-for-printing

Greiðslujöfnuður við útlönd

02. september

2. ársfjórðungur 2021

Á öðrum ársfjórðungi 2021 var 31,1 ma.kr. halli á viðskiptajöfnuði við útlönd. Það er 8,3 ma.kr lakari niðurstaða en ársfjórðunginn á undan og 24,8 ma.kr. lakari en á sama fjórðungi árið 2020. Halli á vöruskiptajöfnuði var 55,7 ma.kr. en 25,2 ma.kr. afgangur var af þjónustujöfnuði. Frumþáttatekjur skiluðu 7,1 ma.kr. afgangi en rekstrarframlög 7,6 ma.kr. halla.

Lakari niðurstaða viðskiptajafnaðar en á sama ársfjórðungi árið 2020 skýrist aðallega af mun óhagstæðari vöruviðskiptum um sem nemur 36,1 ma.kr. Munar þar mest um 70,2 ma.kr. hærra verðmæti innfluttrar vöru en verðmæti útfluttar vöru jókst mun minna, eða um 34,1 ma.kr. Þjónustuviðskipti voru hagstæðari um sem nemur 23 ma.kr. Frumþáttatekjur voru 11,1 ma.kr. óhagstæðari og halli rekstrarframlaga jókst lítillega eða um 0,5 ma.kr.


Næsta birting: 01. desember 2021


Umsjón

Upplýsingatækni og gagnasöfnun | bop@sedlabanki.is