logo-for-printing

Greiðslujöfnuður við útlönd

02. mars

4. ársfjórðungur 2020

Á fjórða ársfjórðungi 2020 var 22,1 ma.kr. afgangur á viðskiptajöfnuði við útlönd samanborið við 2,9 ma.kr. ársfjórðunginn á undan. Halli á vöruskiptajöfnuði var 15,5 ma.kr. en afgangur á þjónustujöfnuði var 26,4 ma.kr. Frumþáttatekjur skiluðu 18,3 ma.kr. afgangi en rekstrarframlög 7,1 ma.kr. halla.

Viðskiptaafgangur var 30,6 ma.kr. minni en á sama ársfjórðungi árið 2019. Það skýrist aðallega af mun óhagstæðari þjónustuviðskiptum um sem nemur 35,1 ma.kr. Munar þar mest um umtalsvert minna verðmæti útfluttrar þjónustu eða sem nemur 69,9 ma.kr. Innflutt þjónusta minnkaði um 34,7 ma.kr. Vöruviðskipti voru hagstæðari um sem nemur 1,6 ma.kr. Frumþáttatekjur voru 7,8 ma.kr. hagstæðari en þar munaði mest um neikvæða endurfjárfestingu innlendra fyrirtækja í erlendri eigu. Halli rekstrarframlaga jókst um 4,9 ma.kr.

Viðskiptaafgangur fyrir árið 2020 í heild nam 30,9 ma.kr. samanborið við 193,9 ma.kr. fyrir árið á undan. Halli á vöruskiptajöfnuði var 90,3 ma.kr. en afgangur á þjónustujöfnuði var 72,8 ma.kr. Frumþáttatekjur skiluðu 70,1 ma.kr. afgangi en rekstrarframlög 21,8 ma.kr. halla.


Næsta birting: 01. júní 2021


Umsjón

Upplýsingatækni og gagnasöfnun | bop@sedlabanki.is