Ráðstöfunar- og úttektarheimildir
Sýna allt
Heimildir til úttektar vegna aflandskrónulosunar
Heimildir til úttekta af reikningum háðum sérstökum takmörkunum, sbr. lög nr. 14/2019, eru þrenns konar:
Almenn heimild: Heimild fyrir alla aflandskrónueigendur til að losa aflandskrónueignir og kaupa erlendan gjaldeyri og flytja á reikning erlendis. Heimildin nær aðeins til innstæðna og innstæðubréfa en eigendur annars konar aflandskrónueigna, s.s. verðbréfa, hafa möguleika á að selja þær eignir eða eftir atvikum bíða þar til þær koma á gjalddaga, vilji þeir nýta heimildina.Heimild vegna samfellds eignarhalds: Heimild fyrir aflandskrónueigendur, sem átt hafa aflandskrónueignir samfellt frá því fyrir 28. nóvember 2008, til að losa aflandskrónueignir undan takmörkunum laganna. Ekki er gerð krafa um að keyptur sé erlendur gjaldeyrir eins og í almennu heimildinni heldur er heimilt að ráðstafa eignunum hér á landi. Heimildin er háð staðfestingu Seðlabanka Íslands á að skilyrði um samfellt eignarhald sé uppfyllt.Heimild fyrir einstaklinga: Heimild fyrir einstaklinga til að taka út allt að 100 millj. kr. af reikningum háðum sérstökum takmörkunum.Heimildin nær til innstæðna og innstæðubréfa Seðlabanka Íslands. Ekki er gerð krafa um að keyptur sé erlendur gjaldeyrir eins og í almennu heimildinni heldur er heimilt að ráðstafa eignunum hér á landi. Heimildin er háð staðfestingu Seðlabanka Íslands á að einstaklingur sé raunverulegur eigandi fjármunanna.Heimildin tengd samfelldu eignarhaldi og heimildin fyrir einstaklinga eru háðar staðfestingu Seðlabanka Íslands. Umsóknir skulu berast með tölvupósti á netfangið offshore@sedlabanki.is. Með umsókn um staðfestingu vegna samfellds eignarhalds þurfa að berast gögn sem sýna fram á samfellt eignarhald, n.t.t. stöðuyfirlit eldra en frá 28. nóvember 2008 og upplýsingar um eignir, þegar óskað er eftir staðfestingu. Með umsókn um staðfestingu einstaklings þurfa að berast gögn sem sýna fram á eignarhald hans, þ.e. nýlegt stöðuyfirlit.Fjárfestingarlisti
Heimilt er að fjárfesta í innstæðubréfum Seðlabanka Íslands og fjármálagerningum útgefnum í innlendum gjaldeyri sem tilgreindir eru á fjárfestingarlista Seðlabanka Íslands. Innstæðubréf eru útgefin af Seðlabanka Íslands. Þau tilgreina ekki gjalddaga, bera breytilega ársvexti og endurgreiðsla höfuðstóls er einungis heimil samkvæmt ákvörðun útgefanda. Við útgáfu skulu bréfin bera 0,5% ársvexti sem skulu endurskoðaðir af Seðlabanka Íslands á vaxtagjalddaga.
Undanþágulisti 10. gr. laga nr. 37/2016, um meðferð krónueigna sem háðar eru sérstökum takmörkunumMillifærsla á milli reikninga
Heimilt er að millifæra á milli reikninga sem háðir eru sérstökum takmörkunum.
Úttekt á vöxtum, verðbótum vaxta og arði
Heimilt er að taka út áfallnar greiðslur vegna vaxta, verðbóta vaxta, arðs og samningsbundinna afborgana höfuðstóls lánaskuldbindinga, annarra en eingreiðslulánaskuldbindinga, og verðbætur þeirra. Tilkynna skal Seðlabanka Íslands um úttekt skv. 1. málsl. innan fimm virkra daga frá því að hún á sér stað.
Með vöxtum er átt við vexti af innstæðum á reikningum háðum sérstökum takmörkunum, skuldabréfum og víxlum skv. c-, e- og f-lið 1. tölul. 2. gr. laga nr. 37/2016 og innstæðubréfum Seðlabanka Íslands.
Með arði er átt við arðgreiðslu á grundvelli hagnaðar af reglubundinni starfsemi félags en þó ekki af tekjum sem myndast við sölu eigna umfram söluhagnað, af hagnaði vegna afskrifta skulda, virðismatshækkana eigna, lækkunar hlutafjár eða vegna sambærilegra þátta. Arðgreiðslur skulu fjármagnaðar með handbæru fé frá rekstri í frjálsum sjóðum en ekki með sölu eigna, lántöku, hlutafjáraukningu eða sambærilegum þáttum. Ef ráðstöfun sú sem liggur að baki greiðslu arðs er verulega frábrugðin því sem almennt gerist í slíkum skiptum og megintilgangur virðist vera að sniðganga takmarkanir á lögum þessum getur Seðlabankinn synjað staðfestingar.
Beiðni um staðfestingu og gögn skulu berast rafrænt til Seðlabanka Íslands á netfangið ge.offshore@sedlabanki.is. Um efni beiðni um staðfestingu er fjallað í 3. gr. reglna nr. 224/2019, um meðferð krónueigna sem háðar eru sérstökum takmörkunum.
Úttektarheimild einstaklinga
Að fenginni staðfestingu Seðlabankans er einstaklingum heimilt að taka út allt að kr. 100.000.000 á almanaksári, hafi aflandskrónueign verið í samfelldri eigu viðkomandi frá 28. nóvember 2008.