Vextir

Vextir til viðmiðunar vegna umreiknings á lánum skv. 18. gr. laga nr. 38/2001 um vexti og verðtryggingu með síðari breytingum
Seðlabanki Íslands birtir mánaðarlega vaxtatilkynningar  og eru þar vextir sem lagt er til að miðað verði við þegar umreikna þarf lán samkvæmt 18. gr. laga nr. 38/2001 um vexti og verðtryggingu eins og henni var breytt með lögum nr. 151/2010. Þetta eru annars vegar almennir vextir óverðtryggðra útlána og hins vegar almennir vextir verðtryggðra útlána.

Nýjustu upplýsingar er að finna í ofangreindum vaxtatilkynningum og auk þess er söguleg gögn að finna hér (Excel-skjal sem heitir Almennir vextir af peningakröfum - sjá dálkana tvo til vinstri) Frá og með ársbyrjun 2011 eru umræddir vextir verðtryggðra lána 4,70% og vextir óverðtryggðra lána 5,55%.   Sjá ennfremur tilkynningu í Stjórnartíðindum.

Upplýsingar um vexti erlendis:
Þar sem nokkuð hefur verið um fyrirspurnir til Seðlabanka Íslands um vexti erlendis og þá einkum um LIBOR-vexti getum við bent á heimaíðu British Bankers Association, en þar er tenging ofarlega til vinstri á forsíðunni á síðu yfir LIBOR-vexti. Seðlabanki Íslands ber hins vegar enga ábyrgð á upplýsingum sem er að finna á slíkum vefsíðum eða notkun aðila á þeim auk þess sem minnt er á almennan fyrirvara um áreiðanleika upplýsinga á vefnum.