logo-for-printing

16. maí 2008

Seðlabanki Íslands gerir gjaldmiðlaskiptasamninga

Seðlabankar Svíþjóðar, Noregs og Danmerkur hafa gert tvíhliða gjaldeyrisskiptasamninga við Seðlabanka Íslands.

Samningarnir eru viðbúnaðarráðstöfun og veita Seðlabanka Íslands aðgang að evrum gerist þess þörf. Hver samningur um sig veitir aðgang að allt að 500 milljónum evra gegn íslenskum krónum. Seðlabanki Íslands getur dregið á samningana þegar og ef nauðsyn krefur.

Ofangreindir samningarnir auka verulega aðgang Seðlabankans að erlendu lausafé og mun bankinn auka þann aðgang enn frekar á næstunni.

Fréttatilkynningar frá þeim seðlabönkum sem hlut eiga að máli er að finna á heimasíðum þeirra:

Danmarks Nationalbank (Danmarks Nationalbank´s website (nationalbanken.dk))

Norges Bank (http://www.norges-bank.no)

Sveriges Riksbank (http://www.riksbank.se)

 

Frétt nr. 17/2008
16. maí 2008

Til baka